Sintaksis

Question 1

Qaysi javobda tobe qismi sifat bilan ifodalangan otli so‘z birikmalari berilgan?

Accepted Answer

notanish yo‘l, xursand inson

Answer

hammadan go‘zal, akamdan uzun

Answer

yaxshi gapirmoq, chiroyli kuylamoq

Answer

do‘stlarcha muomala, sekin harakat

Question 2

Quyidagi chizmaga mos keluvchi ergash gapli qo‘shma gapni aniqlang.

Accepted Answer

Xonaga kirishim bilan meni ko‘rgan oyimning yuzlarida go‘zal tabassum paydo bo‘ldi, chunki mening qo‘llarimda oyimga xush yoquvchi oppoq atirgullar bor edi.

Answer

Biz farzandlarimizni Ona Vatan va buyuk ajdodlarimizga hurmat, ulardan faxrlanish tuyg‘usi bilan tarbiyalashimiz uchun ularga tarixni mukammal o‘rgatishimiz lozim.

Answer

Ov va jang manzaralari uni shu qadar qiziqtirgan ediki, otasi kelib eshik oldida kavush yechayotganini ham payqamadi.

Answer

Naqsh yaratish ustadan did, mahoratdan tashqari katta tajriba va malaka talab qiladi, shuning uchun naqqoshlar xalq hunarmandlarining eng bilimdon, iste’dodli qismi hisoblangan.

Question 3

Quyidagi tasvirga mos ravishda to‘g‘ri shakllantirilgan ergash gapli qo‘shma gapni aniqlang.

Accepted Answer

So‘nggi yillarda yoshlarimizning ijtimoiy tarmoqlarga bo‘lgan qiziqishi ortib bormoqda, shuning uchun ular orasida kitob o‘qishga qiziqadiganlar soni kamaygan.

Answer

Kitob mutolaa qilish hamisha ijtimoiy tarmoqlardan ma’lumot olishga nisbatan foydaliroq mashg‘ulot hisoblangan.

Answer

Kitob mutolaasiga bo‘lgan qiziqish ortib bormoqda, shuning uchun yoshlarimiz orasida ijtimoiy tarmoqlarda turli foydasiz mashg‘ulotlar bilan shug‘ullanishga bo‘lgan ishtiyoq susaymoqda.

Answer

Kitob mutolaasi − qiziqarli mashg‘ulot, ammo keyingi paytda yoshlarimiz orasida ijtimoiy tarmoqlarga bo‘lgan qiziqish ortib bormoqda.

Question 4

Gapdagi so‘zlarning mazmun va grammatik jihatdan bog‘lanishi to‘g‘ri ko‘rsatilgan javobni aniqlang.
Bizning qadimiy va go‘zal diyorimiz nafaqat Sharq, balki jahon sivilizatsiyasi beshiklaridan biri ekanligi, o‘ylaymanki, bugun keng jamoatchilik uchun sir emas.

Accepted Answer

qadimiy va go‘zal, bugun sir emas

Answer

qadimiy Sharq, go‘zal diyor

Answer

beshiklaridan ekanligi, nafaqat Sharq

Answer

bizning Sharq, keng jamoatchilik

Question 5

Dunyoda go‘dak xandasi kabi sof, ma’sum narsa yo‘q.
Ushbu gapdagi so‘zlarning bog‘lanishi haqida berilgan to‘g‘ri hukmni aniqlang.

Accepted Answer

Qismlari ko‘makchi yordamida bog‘langan so‘z birikmasi mavjud.

Answer

Qismlari kelishik yordamida bog‘langan so‘z birikmasi mavjud emas.

Answer

So‘zlarning o‘zaro teng bog‘lanishi (so‘z qo‘shilmasi) mavjud emas.

Answer

Ham otli, ham fe’lli so‘z birikmasi mavjud.

Question 6

Otli so‘z birikmasi berilgan javobni aniqlang.

Accepted Answer

bajarilgan ish

Answer

akamni ko‘rmoq

Answer

chiroyli kiyingan

Answer

ishni tezlatish

Question 7

Oltin va kumushi bo‘lmagan odam kambag‘al emas, balki kasb-hunari bo‘lmagan odam kambag‘aldir.
Ushbu gap haqida berilgan to‘g‘ri ma’lumotni toping.

Accepted Answer

bog‘langan qo‘shma gap

Answer

bog‘lovchisiz qo‘shma gap

Answer

ergashgan qo‘shma gap

Answer

sodda gap

Question 8

Bugungi kunda har bir xalq umumbashariy taraqqiyot yutuqlarini o‘rganishga intilmoqda.
Ushbu gap haqidagi noto‘g‘ri hukmni aniqlang.

Accepted Answer

Ushbu gapda qismlari ko‘makchi yordamida bog‘langan so‘z birikmasi mavjud.

Answer

Ushbu gapda fe’lli so‘z birikmasi mavjud.

Answer

Ushbu gapda qismlari kelishik yordamida bog‘langan so‘z birikmasi mavjud.

Answer

Ushbu gapda otli so‘z birikmasi mavjud.

Question 9

Hol qatnashgan gapni toping.

Accepted Answer

Noshud ketganda maqtanar,
Botir − qaytganda.

Answer

Men yoz faslini yaxshi ko‘raman.

Answer

Aytar so‘zni ayt,
Aytmas so‘zdan qayt.

Answer

Urushning boshi − o‘yin,
Oxiri − o‘lim.

Question 10

Quyidagi parcha haqidagi to‘g‘ri hukmni aniqlang.
Yoshlikda egallangan bilim toshga o‘yib yozilgan naqshdir, yoshlikdan ilm olish uchun intilgan inson ulg‘ayganda ham ilmni qadrlaydi.

Accepted Answer

Aniqlovchilar ega hamda kesimga tobelangan.

Answer

Egalar turli so‘z turkumlari bilan ifodalangan.

Answer

Barcha to‘ldiruvchilar hokim bo‘lakka to‘g‘ridan to‘g‘ri tobelangan.

Answer

Holning faqat bir ma’no turi ishtirok etgan.

Question 11

Bugun siz bilan bu masalani atroflicha gaplashamiz, toki bunday noxush vaziyat hech qachon qaytarilmasin.
Ushbu ergashgan qo‘shma gapning bosh gap qismidagi gap bo‘laklarining joylashuv tartibi qaysi javobda shartli belgilar asosida to‘g‘ri ko‘rsatilgan?

Accepted Answer

Shartli belgilar: nuqtali chiziq, uzuq chiziq, to‘lqinli chiziq, uzuq chiziq, nuqtali chiziq, qo‘sh chiziq

Answer

Shartli belgilar: nuqtali chiziq, to‘g‘ri chiziq, to‘lqinli chiziq, uzuq chiziq, nuqtali chiziq, qo‘sh chiziq

Answer

Shartli belgilar: to‘lqinli chiziq, to‘lqinli chiziq, to‘g‘ri chiziq, nuqtali chiziq, qo‘sh chiziq

Answer

Shartli belgilar: nuqtali chiziq, uzuq chiziq, to‘lqinli chiziq, uzuq chiziq, to‘lqinli chiziq, qo‘sh chiziq

Question 12

Qaysi javobda maqsad holi ishtirok etgan?

Accepted Answer

Olis tog‘ bag‘riga lola tergani borgan bolalar yomg‘irda ivib qaytib kelishdi.

Answer

Yoshligida ko‘p yo‘talgani uchun ota-onasi uni juda avaylar edi.

Answer

Birga o‘ynab o‘sgan dugonasini ham tanimaganiga noqulay ahvolga tushdi.

Answer

Singlimga olgan kitoblarimdan bir nechtasini unga ham berdim.

Question 13

Berilgan gap haqidagi to‘g‘ri fikrni aniqlang.
Xalqimizning asrlar davomida shakllangan qadimiy madaniyati va qadriyatlarini asrab qolishimiz uchun yosh avlodni milliy ruhda tarbiya qilishimiz lozim.

Accepted Answer

Ravish holi ot kesimga to‘g‘ridan to‘g‘ri tobelangan.

Answer

Payt holi fe’l kesimga to‘g‘ridan to‘g‘ri tobelangan.

Answer

Maqsad holi vositasiz to‘ldiruvchiga tobelangan.

Answer

To‘ldiruvchi aniqlovchiga kelishik yordamida tobelangan.

Question 14

Kitob bebaho durga o‘xshaydi, insonlar ma’naviyatini boyitadi.
Ushbu gapdagi tobe bog‘lanishlarda hokim qism vazifasini bajara olmagan bo‘laklarni aniqlang.

Accepted Answer

ega, sifatlovchi aniqlovchi, qaratqich aniqlovchi

Answer

sifatlovchi aniqlovchi, qaratqich aniqlovchi vositali to‘ldiruvchi

Answer

ega, sifatlovchi aniqlovchi, vositasiz to‘ldiruvchi

Answer

ega, sifatlovchi aniqlovchi, vositali to‘ldiruvchi

Question 15

Qaysi javobda to‘ldiruvchi vazifasida kelgan qaralmish qatnashgan gap berilgan?

Accepted Answer

So‘zdan qudratliroq narsa yo‘q. U insonlarning dunyoqarashini o‘zgartira oladi.

Answer

Kitoblar keksalikda eng yaxshi do‘st, ayni paytda yoshlikning eng aziz rahnamosidir.

Answer

Til do‘stlik va hamjihatlikni qaror toptirishning eng qulay vositasidir.

Answer

So‘z − inson qudratining qo‘mondoni, u − hayotning buyuk quroli.

Question 16

Bog‘langan qo‘shma gap berilgan javobni toping.

Accepted Answer

Ish ishtaha ochar, dangasa esa ishdan qochar.

Answer

Shuni bilingki, Vatan muqaddasdir.

Answer

Tegishmagin ko‘pga,
Teng bo‘lasan cho‘pga.

Answer

Bir vaqt qarasam, oyoqlarim o‘z-o‘zidan yurib ketyapti.

Sintaksis

Boshqa mavzular

Endi oʻzingiz sinab koʻring