Kitob bebaho durga o‘xshaydi, insonlar ma’naviyatini boyitadi. Ushbu gapdagi tobe bog‘lanishlarda hokim qism vazifasini bajara olmagan bo‘laklarni aniqlang.
Toʻgʻri javob: A) ega, sifatlovchi aniqlovchi, qaratqich aniqlovchi
Ushbu test topshirig‘ini bajarish uchun gapda so‘zlarning bog‘lanishi, so‘z birikmalari, tobe va hokim qismlar, gap bo‘laklari haqidagi bilim va ko‘nikmaga ega bo‘lish talab etiladi. Kitob bebaho durga o‘xshaydi, u insonlar ma’naviyatini boyitadi gapida kitob, bebaho, insonlar(ning) so‘zlari faqat tobe qism vazifasini bajara olgan, ya’ni gapdagi boshqa bo‘laklarga nisbatan hokim qism vazifasini bajara olmagan bo‘lib, ushbu so‘zlar gapda ega, sifatlovchi aniqlovchi, qaratqich aniqlovchi vazifalarida kelgan. Gapdagi durga so‘zi vositali to‘ldiruvchi sanaladi va bebaho so‘ziga nisbatan hokim qism hisoblanadi, ma’naviyatini so‘zi esa vositasiz to‘ldiruvchi bo‘lib, insonlar(ning) so‘ziga, ya’ni qaratqich aniqlovchiga nisbatan hokim qism vazifasini bajarishi kuzatiladi.
Manba: UZBMB namunaviy test topshiriqlari (2021, mutaxassislik). M.Qodirov va boshqalar. Ona tili. 8-sinf uchun darslik. "Tasvir" nashriyot uyi. Toshkent−2019