Qaysi javobda to‘ldiruvchi vazifasida kelgan qaralmish qatnashgan gap berilgan?
Toʻgʻri javob: A) So‘zdan qudratliroq narsa yo‘q. U insonlarning dunyoqarashini o‘zgartira oladi.
Ushbu test topshirig‘ini bajarish uchun gapda so‘zlarning bog‘lanishi, so‘z birikmalari, tobe va hokim qismlar, qaratqich-qaralmish munosabatlari haqidagi bilim va ko‘nikmaga ega bo‘lish talab etiladi. «So‘zdan qudratliroq narsa yo‘q. U insonlarning …» gapida insonlarning duyoqarashini so‘z birikmasida qismlar qaratqich-qaralmish munosabatiga kirishgan bo‘lib, qaralmish, ya’ni dunyoqarashini so‘zi to‘ldiruvchi vazifasida kelgan. «Kitoblar keksalikda …» va «Til do‘stlik va hamjihatlikni …» gaplarida qatnashgan qaratqich-qaralmish munosabatlarida (yoshlikning rahnamosidir, qaror toptirishning vositasidir) esa qaralmishlar ot kesim vazifasini bajargan. «So‘z − inson qudratining qo‘mondoni, …» gapida qaralmishlar qaratqich aniqlovchi (inson qudratining) va ot kesimlar (qudratining qo‘mondoni, hayotning quroli) vazifasini bajargan.
Manba: UZBMB namunaviy test topshiriqlari (2021, mutaxassislik). N.M. Mahmudov va boshqalar. Ona tili. 7-sinf uchun darslik. "Ma’naviyat" nashriyoti. Toshkent − 2017. M.Qodirov va boshqalar. Ona tili. 8-sinf uchun darslik. "Tasvir" nashriyot uyi. Toshkent−2019