Kirish
Maxfiylik

Maxfiylik siyosati

Kuchga kirgan sana: 2026-yil 5-oktabr. Qaysi maʼlumotni nima uchun olamiz va qanday himoya qilamiz.

Qisqacha

  • Faqat xizmat ishlashi uchun kerak boʻlgan maʼlumotni yigʻamiz: ismingiz, hududingiz, kirish maʼlumotlaringiz, javoblaringiz va natijalaringiz.
  • Maʼlumotlaringizni sotmaymiz. Reklama, analitika va kuzatuv cookie fayllari ishlatilmaydi.
  • Natijalaringizni faqat siz koʻrasiz. Natija kartasi faqat siz soʻraganingizda chiziladi.
  • Maʼlumotlar Yevropa Ittifoqidagi serverlarda saqlanadi, sayt Cloudflare orqali yetkaziladi.
  • 18 yoshga toʻlmagan boʻlsangiz, Zehniydan ota-onangiz yoki vasiyingiz roziligi bilan foydalanasiz.
  • Hisobingizni profil sahifasida oʻzingiz oʻchirasiz. Maʼlumotlaringiz nusxasini olish yoki ularni tuzatishni soʻrashingiz mumkin — 30 kun ichida bajaramiz.

  1. Biz kimmiz

    Ushbu siyosat Zehniy shaxsga doir maʼlumotlarga qanday ishlov berishini tushuntiradi. U Oʻzbekiston Respublikasining “Shaxsga doir maʼlumotlar toʻgʻrisida”gi Qonuniga (OʻRQ-547) muvofiq tuzilgan.

    Maʼlumotlaringiz boʻyicha har qanday savol va soʻrov bilan quyidagi kanallar orqali murojaat qiling:

    Xizmat
    Zehniy, zehniy.uz sayti
    Mulkdor va operator
    yuridik shaxs roʻyxatdan oʻtkazilgach shu yerda koʻrsatiladi
    STIR
    yuridik shaxs roʻyxatdan oʻtkazilgach shu yerda koʻrsatiladi
    Manzil
    Toshkent, Oʻzbekiston; toʻliq manzil yuridik shaxs roʻyxatdan oʻtkazilgach shu yerda koʻrsatiladi
    Telegram
    @zehniyadmin

  2. Qaysi maʼlumotlarni yigʻamiz

    • Hisob: siz koʻrsatgan ism-familiya va hudud (viloyat yoki Toshkent shahri). Rasm tanlasangiz — tayyor toʻplamdagi qaysi rasmni tanlaganingiz. Email bilan roʻyxatdan oʻtsangiz — email manzilingiz.
    • Parol: faqat argon2id algoritmi bilan olingan, qaytarib boʻlmaydigan xesh. Parolning oʻzini hech kim, jumladan biz ham koʻra olmaydi.
    • Google orqali kirsangiz: Google hisobingiz identifikatori, email manzilingiz va u tasdiqlanganmi. Birinchi kirishda Googledagi ismingiz profilga taklif sifatida yoziladi; rasm olinmaydi.
    • Telegram orqali kirsangiz: Telegram ID raqamingiz. Birinchi kirishda Telegramdagi ism-familiyangiz profilga taklif sifatida yoziladi; uni oʻzgartirsangiz, keyingi kirishlarda Telegramdagi ism qayta olinmaydi. Ism ikki belgidan qisqa boʻlsa, uning oʻrniga Telegram foydalanuvchi nomingiz taklif qilinadi. Profil rasmingiz olinmaydi.
    • Imtihon va mashq: sizga tushgan savollar va variantlar tartibi, javoblaringiz va ularni belgilagan vaqt, boʻlimlarga oʻtgan vaqtingiz, belgilangan savollar va ballar.
    • Oʻqish tarixi: har bir savol boʻyicha urinishlar va toʻgʻri javoblar soni, takrorlash jadvali, saqlangan savollar.
    • Tarif: amaldagi tarifingiz va limitlardan qancha foydalanganingiz.
    • Savol haqidagi xabar: tanlagan sababingiz va izohingiz.
    • Natija kartasi: siz soʻragan rasm — ismingiz, imtihon nomi, ball, fanlar boʻyicha natija va topshirilgan kun.
    • “Bogʻlanish” sahifasidagi xat: ism, javob uchun Telegram yoki email, ixtiyoriy telefon raqami va xat matni. Xat hisobingizga bogʻlanmaydi.
    • Muallif boʻlish arizasi: tanlagan fanlaringiz, lavozim, ish joyi, dars bergan yillaringiz, maʼlumotingiz, telefon raqamingiz, ikkita namuna savol, oʻzingiz haqingizdagi matn va javob uchun email — hisobingizdagi email yoki, u boʻlmasa, siz yozgan email.
    • Savol mualliflari va administratorlar profilini oʻzgartirsa, eski va yangi qiymat jurnalga yoziladi.
    • Savol mualliflari va administratorlar: ularning har bir oʻzgartirishi IP manzil va brauzer maʼlumoti bilan jurnalga yoziladi.

    Oʻquvchining IP manzili saqlanmaydi. U kirish urinishlari kabi soʻrovlar sonini cheklash uchun faqat server xotirasida, koʻpi bilan bir soat ishlatiladi.

    Yoshingiz, uy manzilingiz, biometrik va genetik maʼlumotlaringizni soʻramaymiz va saqlamaymiz. Oʻz rasmingizni yuklab boʻlmaydi: rasm faqat tayyor toʻplamdan tanlanadi.

  3. Nima uchun ishlatamiz

    Asos — roʻyxatdan oʻtishda bergan roziligingiz va “Foydalanish shartlari” boʻyicha siz bilan tuzilgan shartnoma. Maʼlumotlarga faqat quyidagi maqsadlarda ishlov beramiz:

    • hisobingizga kirish va uni himoya qilish;
    • profilingizni yuritish: ismingizni sizga va, muallif boʻlsangiz, xodimlarga koʻrsatish;
    • imtihon varagʻini tuzish, uni baholash va natijani koʻrsatish;
    • xatolar, saqlangan savollar va takrorlash jadvalini yuritish;
    • bepul tarif limitlarini hisoblash;
    • savol haqidagi xabarlarni koʻrib chiqish, kalit va ball boʻyicha nizolarni hal qilish;
    • yozgan xatingizga javob berish;
    • suiisteʼmol va shartlar buzilishini aniqlash.

    Ballarni kompyuter savollar kaliti boʻyicha avtomatik hisoblaydi. Bu ball rasmiy natija emas va siz uchun huquqiy oqibat keltirmaydi.

    Maʼlumotlaringizni boshqa maqsadda ishlatmoqchi boʻlsak, avval alohida rozilik soʻraymiz.

  4. 18 yoshga toʻlmaganlar

    Qonunga koʻra, voyaga yetmaganning shaxsga doir maʼlumotlariga ishlov berishga uning ota-onasi (vasiysi, homiysi) rozilik beradi (21-modda). 18 yoshga toʻlmagan boʻlsangiz, roʻyxatdan oʻtishdan oldin ota-onangiz yoki vasiyingizga shu siyosatni koʻrsating. Roʻyxatdan oʻtib, ular rozi ekanini tasdiqlaysiz.

    Ota-ona yoki vasiy farzandining hisobidagi maʼlumotlar nusxasini olishni, tuzatishni yoki hisobni oʻchirishni soʻrashi va roziligini chaqirib olishi mumkin. Hisob kimga tegishli ekanini aniqlash uchun qoʻshimcha maʼlumot soʻrashimiz mumkin.

  5. Maʼlumot kimga beriladi

    Natijalaringizni faqat siz koʻrasiz. Zehniy xodimlari maʼlumotlarga faqat xizmatni yuritish uchun kerak boʻlganda kiradi. Savol haqidagi xabaringizni koʻrib chiqqan xodim ismingizni koʻrmaydi.

    Sayt ishlashi uchun quyidagi kompaniyalar maʼlumotlarga texnik ishlov beradi, faqat xizmat koʻrsatish doirasida:

    • Hetzner Online GmbH (Germaniya) — serverlar: maʼlumotlar bazasi va sayt shu yerda ishlaydi.
    • Cloudflare, Inc. (AQSh) — saytni yetkazish va hujumlardan himoya qilish. Har bir soʻrov, jumladan IP manzilingiz, Cloudflare tarmogʻi orqali oʻtadi.
    • Google LLC (AQSh) — faqat Google orqali kirsangiz. Kirish tugmasi Google saytidan yuklanadi, Google esa bizga hisob identifikatori, email va ismingizni yuboradi.
    • Telegram — faqat Telegram orqali kirsangiz. Kirish tugmasi telegram.org saytidan yuklanadi, Telegram esa bizga ID raqamingiz va ismingizni yuboradi.

    Maʼlumotlaringizni boshqa hech kimga sotmaymiz va bermaymiz. Davlat organlariga faqat qonunda belgilangan hollarda va tartibda beriladi. Maʼlumotlaringiz uchinchi shaxsga berilsa, bu haqda sizga uch kun ichida yozma xabar beramiz (23-modda).

  6. Qayerda saqlanadi

    Maʼlumotlar Yevropa Ittifoqidagi serverlarda saqlanadi va Cloudflare tarmogʻi orqali uzatiladi, yaʼni Oʻzbekistondan tashqariga chiqadi. Qonun faqat biometrik va genetik maʼlumotlarni hamda telekommunikatsiya operatorlari abonentlarining maʼlumotlarini Oʻzbekistonda saqlashni talab qiladi (27¹-modda). Zehniy bunday maʼlumotlarni yigʻmaydi.

    Roʻyxatdan oʻtib, maʼlumotlaringiz shu tarzda transchegaraviy uzatilishiga rozilik bildirasiz (15-modda).

  7. Qancha saqlanadi

    • Hisob, natijalar va oʻqish tarixi — hisobingiz mavjud ekan. Hisobni oʻchirsangiz, ism, hudud, rasm, kirish usullari va natija kartalari darhol oʻchiriladi, natijalar va oʻqish tarixi esa shaxssizlantiriladi, yaʼni sizga bogʻlab boʻlmaydigan holga keltiriladi. Xodim hisobi soʻrov boʻyicha 30 kun ichida shu tartibda oʻchiriladi.
    • Kirish sessiyasi — 30 kun amal qiladi. Tugagan yoki chiqib ketilgan sessiya yozuvi 90 kun ichida oʻchiriladi.
    • Natija kartasi — uni qaytarib olguningizcha yoki hisobingiz oʻchirilguncha. Qaytarib olinsa, rasm oʻchiriladi va havola ishlamay qoladi.
    • Savol haqidagi xabar — savol bilan birga saqlanadi. Hisobingiz oʻchirilsa, xabar shaxssizlantiriladi.
    • “Bogʻlanish” xati — koʻrib chiqilganidan keyin 1 yil.
    • Server xato jurnallari — 90 kun. Ularga IP manzil, ism, javoblar va savol matni yozilmaydi.
    • Xodimlar amallari jurnali — muddatsiz. U oʻzgartirilmaydi va oʻchirilmaydi.

    Ishlov berish maqsadiga erishilganda yoki roziligingizni chaqirib olganingizda maʼlumotlar yoʻq qilinadi (17-modda).

  8. Xavfsizlik

    • Sayt bilan aloqa shifrlangan (HTTPS).
    • Parol faqat argon2id xeshi koʻrinishida saqlanadi.
    • Kirish kaliti JavaScript oʻqiy olmaydigan cookie faylda turadi, bazada esa faqat uning xeshi saqlanadi.
    • Xodimning huquqlari uning roliga bogʻliq va har bir oʻzgartirishi jurnalga yoziladi.
    • Yuklangan rasmlardan joylashuv va boshqa yashirin maʼlumotlar (EXIF) olib tashlanadi.

    Maʼlumotlaringizga tegishli buzilish aniqlansa, sizni xabardor qilamiz va zararni cheklash choralarini koʻramiz.

  9. Huquqlaringiz

    Qonunga koʻra (30-modda) siz quyidagi huquqlarga egasiz:

    • Zehniyda siz haqingizda qanday maʼlumot borligini va unga qanday ishlov berilayotganini bilish;
    • maʼlumotlaringiz nusxasini olish;
    • notoʻgʻri maʼlumotni tuzatish yoki toʻldirish;
    • hisobingiz va maʼlumotlaringizni oʻchirish;
    • roziligingizni chaqirib olish;
    • vakolatli davlat organiga yoki sudga murojaat qilish.

    Ism-familiya, hudud, rasm va parolni profil sahifasida oʻzingiz oʻzgartirasiz, hisobni ham oʻsha yerda oʻchirasiz. Qolganlari hozircha murojaat orqali bajariladi — saytda buning uchun alohida tugma yoʻq. “Biz kimmiz” boʻlimidagi kanallar orqali yozing: soʻrovingizni 30 kun ichida bajarib, natijasini xabar qilamiz. Hisob sizniki ekanini tasdiqlash uchun hisobga bogʻlangan email yoki Telegram orqali yozishingizni soʻrashimiz mumkin.

  10. Rozilikni chaqirib olish

    Roziligingizni istalgan vaqtda chaqirib olishingiz mumkin: hisobingizni profil sahifasida oʻchiring yoki “Biz kimmiz” boʻlimidagi kanallardan biriga yozing. Hisobsiz Zehniydan foydalanib boʻlmaydi, shuning uchun rozilik chaqirib olinsa, hisobingiz yopiladi va maʼlumotlaringiz “Qancha saqlanadi” boʻlimidagi tartibda oʻchiriladi.

  11. Cookie va brauzer xotirasi

    Faqat sayt ishlashi uchun zarur boʻlganlari ishlatiladi. Reklama, analitika va kuzatuv cookie fayllari yoʻq.

    • “zehniy_session” cookie — hisobingizga kirganingizni eslab qoladi, 30 kun amal qiladi.
    • “zehniy_device” cookie — shu brauzerni bitta qurilma sifatida taniydi, shunda hisob nechta qurilmada ochilgani toʻgʻri sanaladi. 400 kun saqlanadi.
    • “zehniy_last_login” cookie — shu brauzerda oxirgi marta qaysi usulda (email, Telegram yoki Google) kirganingizni eslab qoladi va kirish sahifasida uni birinchi koʻrsatadi. Hisobingiz haqida boshqa hech narsa yozilmaydi. 400 kun saqlanadi.
    • “zehniy_runner_…” cookie — imtihon qaysi brauzerda ochilganini eslab qoladi, imtihon vaqti tugashi bilan oʻchadi.
    • “practice_setup” cookie — oxirgi mashq sozlamalaringizni 1 yil eslab qoladi.
    • Brauzer xotirasi (localStorage) — imtihon ikki marta boshlanib ketmasligi uchun bir martalik kalit.

    Ularni brauzer sozlamalaridan oʻchirishingiz mumkin. Unda hisobdan chiqasiz, imtihon paytida oʻchirsangiz esa imtihon yakunlanadi.

  12. Oʻzgarishlar

    Siyosat oʻzgarsa, yangi matn shu sahifada eʼlon qilinadi va yuqoridagi sana yangilanadi. Muhim oʻzgarishlar kuchga kirishidan kamida 14 kun oldin @zehniyuz Telegram kanalida eʼlon qilinadi. Maʼlumotlarni yangi maqsadda ishlatish uchun alohida rozilik soʻraymiz.