Mustaqil oʻqish uchun tavsiya etilgan badiiy asarlar, ularning badiiy tahlili

Question 1

Odil Yoqubov qalamiga mansub “Ulug‘bek xazinasi” romanida shahzoda Abdulatifning farmoniga muvofiq Ali Qushchining zindonga tashlanganligi bayon qilingan.
Mavlono Ali Qushchining zindonga tashlanishi sababi to‘g‘ri ko‘rsatilgan javobni aniqlang.

Accepted Answer

Ali Qushchi Mirzo Ulug‘bek unga ishonib qoldirgan nodir kitoblar, oltin-u javohirlarni topib berish talabi bilan zindonga tashlanadi.

Answer

Ali Qushchi amaldorlar bilan til biriktirib, fitna uyushtirganlikda ayblanib zindonga tashlanadi.

Answer

Mavlono Ali Qushchi ustozi Ulug‘bek singari yulduzlarga qarab rom ochish gunohida ayblanib zindonga tashlanadi.

Answer

Ali Qushchi Nizomiddin Xomush bilan bo‘lgan suhbatda qilgan odobsizligi sabab zindonga tashlanadi.

Question 2

Quyidagi jadvalning qaysi qatorlarida badiiy asar nomi, adabiy qahramon va mazkur adabiy qahramonga berilgan ta’rif mos ravishda to‘g‘ri berilgan?
Badiiy asarlar | Adabiy qahramonlar | Adabiy qahramonlarga berilgan ta’riflar
1. “Navoiy” | shoir Binoiy | Turkiy tilni nihoyatda sevadigan, uni “forsiyparast”lardan qattiq himoya qiladigan, bu tilning jozibadorligini har joyda isbot eta oladigan jonkuyar timsol
2. “Yulduzli tunlar” | Qosimbek | Boburni ota kabi asragan sadoqatli beklardan biri bo‘lib, umri davomida uni himoya qilib kelgan, Humoyun mirzoni ham jangovarlik va otaga muhabbat ruhida tarbiyalashda katta hissa qo‘shgan timsol
3. “O‘tkan kunlar” | Mirzakarim qutidor | Xalq uchun kuyib-pishgan, uning tinchligi, birdamligi uchun kurashgan, Toshkent hokimi Azizbekning zulmiga qarshi xalqni otlantirgan timsol
4. “Navoiy” | Sultonmurod | Otasi shahrisabzlik sangtarosh usta bo‘lib, uning vafotidan keyin tarbiyasi onasi qo‘lida qolgan, voyaga yetgach Hirotga kelgan, o‘z ilmi, aqli-u tafakkuri bilan mudarris darajasiga ko‘tarilgan olim shaxs

Accepted Answer

2, 4

Answer

2, 3

Answer

1, 4

Answer

1, 2

Question 3

Qaysi asarda xalqni birlashmoqqa, o‘zaro diniy e’tiqodlar nizosidan xalos bo‘lib, qabih mustamlakachilik zulmiga qarshi jang qilmoqqa chorlagan hamda o‘z e’tiqodi yo‘lida yosh jonini ayamagan, tinimsiz tazyiqlar, hibs, qiynoqlarda yashagan shoir qismati aks etgan?

Accepted Answer

“Ruhlar isyoni” (Erkin Vohidov)

Answer

“Sohibqiron” (Abdulla Oripov)

Answer

“Mardlik afsonasi” (Shuhrat)

Answer

“Mambet botirning qatl oldidan aytganlari” (O‘ljas Sulaymon)

Question 4

Qaysi javobda O‘tkir Hoshimov qalamiga mansub “Dunyoning ishlari” qissasiga oid ma’lumot keltirilgan?

Accepted Answer

Ushbu asarda o‘g‘li Oltmishvoy urushga ketgan, xotini Habiba buvi o‘g‘lining diydorini ko‘rmay olamdan o‘tgan, bu ayriliqqa chidolmay esdan og‘ib qolgan Ermon buva haqidagi hikoya mavjud.

Answer

Ushbu asarda o‘zi nabirasiga so‘zlab bergan ertagidagi kabi bug‘u avlodidan ekanligi bilan faxrlanadigan, to‘y va ma’rakalarda xokisorlik bilan xizmat qiladigan, ammo bu fazilatlari qadrlanmaydigan bobo obrazi mavjud.

Answer

Ushbu asarda ota-bobolarining urf-odatlari unutilib ketayotganidan iztirobga tushadigan, kolxoz raisi bo‘lgach, onasining vafoti munosabati bilan gazetada yozilgan ta’ziyani or bilgan polvon obrazi uchraydi.

Answer

Ushbu asarda pochchasining avaylab boqayotgan qimmatbaho qushlariga qatiq (suzma) ichirib o‘ldirib qo‘ygan bolaning holati hajv bilan tasvirlangan.

Mustaqil oʻqish uchun tavsiya etilgan badiiy asarlar, ularning badiiy tahlili

Boshqa mavzular

Endi oʻzingiz sinab koʻring