Adabiyot nazariyasi va badiiy tahlil

Question 1

Qaysi javobdagi baytda “chiroyli dalillash”, “sharhlash” ma’nosini beruvchi she’riy san’at qo‘llangan?

Accepted Answer

Sabo tahrikidin yo‘q, balki og‘zing sharmidin boshin
Quyi solmoqqa moyil bo‘lg‘usidur har zamon g‘uncha.

Answer

Istading, ey dil, joning kerakmasmu sanga?
Kufr-u zulmin sevding, imoning kerakmasmu sanga?

Answer

Yoqub bikin ko‘p yig‘idin qolmadi sensiz
Nuri basarim, xoh inon, xoh inonma.

Answer

Har nechakim sabr ta’mirini bunyod ayladim,
Ashk selobida vayron o‘ldi obodim, eshit.

Question 2

Bo‘ldi yaqinkim bu saxovat emas,
Ahli saxo* muni saxovat demas.

Yoyar anga supraki, ul och emas,
Berur anga to‘nki, yalang‘och emas.

Xizrg‘a yetgach tutar obi hayot,
Misr shakarrezig‘a* habbi nabot*.

(ahli saxo* - saxovatli kishilar; shakarrez* - shakar sochuvchi, shakar tarqatuvchi; nabot* - novvot)

Alisher Navoiy qalamiga mansub ushbu she’riy parcha haqidagi to‘g‘ri ma’lumotni toping.

Accepted Answer

Ushbu parchada tanosib, ishtiqoq she’riy san’atlari qo‘llangan.

Answer

Ushbu parchada undosh tovush raviy vazifasini bajargan emas.

Answer

Ushbu parchadagi barcha baytlarda yig‘iq radif qo‘llangan.

Answer

Ushbu parchada muqayyad qofiya mavjud emas.

Question 3

She’riy parcha haqidagi to‘g‘ri hukmni aniqlang.
Labingdin chun suchuklik qand o‘g‘urlar,
Solurlar el ani suvg‘a yalang‘och.

Accepted Answer

Husni ta’lil san’ati aks etgan.

Answer

El suvga tashbeh qilingan.

Answer

Suv tashxis asosida tasvirlangan.

Answer

Tardi aks san’ati aks etgan.

Question 4

Boshimga yoqqan g‘am toshin mingdin biricha bo‘lmag‘ay,
Gardun agar ming Besutun yog‘dursa Farhod ustina.

Ey shah, karam aylar chog‘i teng tut yamon-u yaxshini
Kim, mehr nuri teng tushar vayron-u obod ustina.

Muhammad Rizo Ogahiy qalamiga mansub ushbu parcha haqidagi to‘g‘ri hukmni aniqlang.

Accepted Answer

Mubolag‘a san’ati aks etgan.

Answer

Mutlaq va muqayyad qofiya qo‘llangan.

Answer

Radif mavjud emas.

Answer

Unli va undosh tovush raviy vazifasini bajargan.

Question 5

Tarki adabdin biri kulgu durur,
Kulgu adab tarkiga belgu durur…

Qahqahadin kabk navo kelturub,
Boshig‘a ul kulgu balo kelturub.

G‘uncha kulib bo‘ldi ochilmoq anga,
Yetti ochilmoqda sochilmoq anga.

Alisher Navoiy qalamiga mansub ushbu she’r haqidagi xato ma’lumotni belgilang.

Accepted Answer

Ushbu she’riy parchaning barcha baytlarida unli tovush raviy sifatida xizmat qilgan.

Answer

Ushbu she’riy parcha a-a b-b d-d tarzida qofiyalangan.

Answer

Ushbu she’riy parchaning har bir baytida radif qo‘llangan.

Answer

Ushbu she’riy parchada ham mutlaq, ham muqayyad qofiya mavjud.

Question 6

Tarki adabdin biri kulgu durur,
Kulgu adab tarkiga belgu durur…

Qahqahadin kabk navo kelturub,
Boshig‘a ul kulgu balo kelturub.

G‘uncha kulib bo‘ldi ochilmoq anga,
Yetti ochilmoqda sochilmoq anga.

Alisher Navoiy qalamiga mansub ushbu she’r mazmuni haqidagi xato fikrni belgilang.

Accepted Answer

Ushbu she’riy parchaning mazmunida kulgi odobli insonning ziynati ekanligi aytilgan.

Answer

Ushbu she’riy parchada shoir o‘z fikrining isboti sifatida kabk, ya’ni kaklikning sayragani o‘z boshiga balo keltirdi degan majoziy dalil keltirmoqda.

Answer

Ushbu she’riy parchada shoir o‘z fikrining isboti sifatida g‘uncha kulganligi, ya’ni ochilganligi uchun so‘lib qolishga mahkum bo‘ldi degan majoziy dalil keltirmoqda.

Answer

Ushbu she’riy parchada kishining boshiga odobsizligi tufayli kulfat tushadi degan mazmun ifodalangan.

Question 7

“Ko‘rganing − seniki”, − der edi bobom,
Ellarni, dillarni kerak ko‘rishim.
$	extbf{Ochilmagan qo‘riq, noma’lum yulduz}$
Bari-bari − mening ulushim.

She’riy parchadagi ajratib ko‘rsatilgan so‘zlar qanday mazmunni ifodalashga xizmat qilgan?

Accepted Answer

lirik qahramonning kelajakda ulkan ishlarni amalga oshirishga qasdlanganligini

Answer

lirik qahramonning o‘z maqsadlariga bo‘lgan ishonchsizligini

Answer

lirik qahramonning amalga oshmagan anduh va armonlarini

Answer

lirik qahramonning ishonuvchan va sodda ekanligini

Adabiyot nazariyasi va badiiy tahlil

Boshqa mavzular

Endi oʻzingiz sinab koʻring