Qaysi javobdagi baytda “chiroyli dalillash”, “sharhlash” ma’nosini beruvchi she’riy san’at qo‘llangan?
Toʻgʻri javob: A) Sabo tahrikidin yo‘q, balki og‘zing sharmidin boshin Quyi solmoqqa moyil bo‘lg‘usidur har zamon g‘uncha.
Mumtoz she’riyatda biror tasvir, yoki holatni unga umuman aloqasi yo‘q boshqa narsa bilan dalillash, yolg‘on bo‘lsa-da, chiroyli sabab keltirish san’ati husni ta’lil (chiroyli dalillash, asoslash) san’ati deyiladi. Ushbu test topshirig‘ining «Sabo tahrikidin yo‘q, balki og‘zing sharmidin…» baytida shunday she’riy san’atdan foydalanilgan. Mumtoz she’riyatda og‘izning kichikligi go‘zallik sanalgan, shu boisdan yorning og‘zi g‘unchaga qiyoslanishi bejiz emas. Ammo ushbu baytda shoir g‘unchaning har zamonda boshini quyi solishi shamolning harakati tufayli emas, balki ma’shuqaning og‘zi o‘z og‘zidan go‘zal ekanligidan uyalgani sabablidir deya chiroyli dalil, asos keltirmoqda. Boshqa baytlarda esa bunday she’riy san’at qo‘llanmagan.
Manba: UZBMB namunaviy test topshiriqlari va ularni yechish bo‘yicha tavsiyalar (2020). 1. Q. Yo‘ldoshev va boshqalar. Adabiyot. 9-sinf uchun darslik. –Toshkent: “O‘zbekiston”, 2019. 2. B. To‘xliyev va boshqalar. Adabiyot. O‘rta ta’lim muassasalarining 10-sinfi va o‘rta maxsus, kasb-hunar ta’lim muassasalari o‘quvchilari uchun darslik. –Toshkent: “O‘zbekiston milliy ensiklopediyasi” Davlat ilmiy nashriyoti, 2017