… kun tug‘adi, olam yorug‘ bo‘ladi, U yorug‘ligini hammaga yetkazadi, o‘z-o‘zicha yo‘qolmaydi. Mening ham qoidam (odatim) shunday, o‘zim yo‘qolmayman, Fe’lim va muomalam barcha xalq uchun birdekdir. … Tuqqan kun (chiqqan kun) yaxshi yoki yomon demaydi, Barchaga birdek nur sochadi, o‘zi kamaymaydi. Yusuf Xos Hojibning “Qutadg‘u bilig” dostonida qaysi ramziy qahramon o‘z sifatlarini ana shu tarzda, ya’ni kun (quyosh)ning xususiyatlariga qiyoslagan holda ifodalab bergan?
Toʻgʻri javob: A) adolat ramzi bo‘lgan adabiy qahramon
Ushbu test topshirig‘ini bajarish uchun abituriyentlardan Yusuf Xos Hojib ijodiga oid “Qutadg‘u bilig” dostoni, undagi ramziy qahramonlarning xususiyatlari haqida ma’lumotga ega bo‘lish talab etiladi. Mazkur topshiriqdagi parchada dostondagi adolat ramzi bo‘lgan elig, ya’ni hukmdor timsoli Kuntug‘dining xislatlari aks etgan.
Manba: UZBMB namunaviy test topshiriqlari (2021, mutaxassislik). B.To‘xliyev va boshqalar. Adabiyot. 11-sinf uchun darslik. "O‘zbekiston milliy ensiklopediyasi" davlat ilmiy nashriyoti. Toshkent−2018