Qaysi javobda qo‘shimcha qo‘shilishi bilan bog‘liq imloviy xatolik mavjud?
Toʻgʻri javob: A) Boshing ko‘kga yetgan bo‘lsa ham, Ustozlar ilmiga quloq sol har dam.
Yozma savodxonlikni baholashga qaratilgan ushbu test topshirig‘i abituriyentlardan so‘zlarning talaffuzi va yozilishi, asos va qo‘shimchalar imlosi bilan bog‘liq bilim va ko‘nikmaga ega bo‘lishni talab etadi. Ma’lumki, jo‘nalish kelishigi (-ga) qo‘shimchasi -k va -q undoshi bilan tugagan so‘zlarga qo‘shilganda tovush o‘zgarishi bilan (-ka yoki -qa tarzida) aytiladi va yoziladi. Aks holda, imloviy xatolik sanaladi. «Boshing ko‘kga yetgan bo‘lsa ham, …» misralaridagi ko‘kga so‘zida xuddi shunday holat kuzatiladi, ya’ni imloviy xatolik mavjud. Boshqa misralarda qo‘shimchalar qo‘shilishi bilan bog‘liq imloviy xatolik kuzatilmaydi.
Manba: UZBMB namunaviy test topshiriqlari (2020, majburiy). N.M.Mahmudov va boshqalar. Ona tili. 7-sinf uchun darslik. "Ma’naviyat" nashriyot uyi. Toshkent−2017