Gʻazalni oʻqing va quyidagi topshiriqlarni bajaring. *** 1. Koʻngillar nolasi zulfing kamandin¹ nogahon…

G‘azalni o‘qing va quyidagi topshiriqlarni bajaring. *** 1. Ko‘ngillar nolasi zulfing kamandin¹ nogahon ko‘rgach, Erur andoqki, qushlar qichqirishqaylar yilon ko‘rgach. 2. Ko‘ngil chokin ko‘zumda ashki² rangin elga fosh etdi, Balig‘ zaxmini fahm aylarlar el daryoda qon ko‘rgach. 3. Ko‘zum qon yosh to‘kar, netib ko‘ngil zaxmin yashuraykim, Toparlar yerda zaxmin sayd³ qonidin nishon ko‘rgach. 4. Bo‘yolg‘on qon aro jon pardasi yetgach g‘ami hajring, Ko‘ngil bog‘ida bargedurki, ol o‘lmish xazon ko‘rgach. 5. Xadanging⁴ zaxmi ichindin balolarni yug‘on yoshim Erur tifle⁵ ki, olg‘ay qush bolasin oshyon ko‘rgach. 6. Ko‘ngillar naqdini toroj etarga yopmog‘ing burqa’⁶, Aningdekdurki, toz bog‘lar qaroqchi karvon ko‘rgach. 7. Yuzin zulf ichra to ko‘rdim, o‘lib vasliga yetmasmen, G‘alat ermish yuz urmoq, kecha o‘tni har qayon ko‘rgach. 8. Erur chun olam ichra joh⁷ foniy, yaxshi ot boqiy, Bas, el komin⁸ ravo ayla, o‘zingni komron ko‘rgach. 9. Navoiy, xurdai⁹ nazmingni andoq aylading tahrir, Ki sochqay xurda boshing uzra shohi xurdadon ko‘rgach. LUG‘AT: Kamand¹ − arqon; ashk² − ko‘zyosh; sayd³ − ov, o‘lja; xadang⁴ − o‘q; tifl⁵ − yosh bola; burqa’⁶ − yuzga tutilgan parda; joh⁷ − boylik, davlat; kom⁸ − maqsad, orzu; xurda⁹ − nozik, yashirin, sir. 4-bayt mazmuni to‘g‘ri izohlangan javobni belgilang.

1. AKo‘ngil bog‘ida barglar hech qachon xazon ofatiga yuz tutmaydi, shu bois oshiq qon yutsa ham, hajr g‘amiga yengilmaydi.
2. BXazon faslida bog‘dagi barglar qizg‘ish rangga kirgani kabi yor hajrida qolgan oshiqning jon pardasi qon tusiga kirdi.
3. CKo‘ngil xazonga yuz tutgan bog‘ning barglari kabi qizg‘ish rangdadir, shu bois jon pardasi ham hamisha qon tusida bo‘ladi.
4. DAgar jon pardasi qon rangiga bo‘yalsa, oshiq qalbi hajr g‘amiga botadi, zero barglar qizg‘ish tusga kirsa, xazon fasli boshlanadi.