Feʻlning birgalik nisbat shakli qatnashgan gapni toping.

Ushbu test topshirig‘ini bajarish uchun abituriyentlardan fe’l va unga xos bo‘lgan xususiyatlar haqidagi bilim va ko‘nikmaga ega bo‘lish talab etiladi. Mazkur topshiriqdagi «Yetishibdi mozorga Ketmon-u bel ushlashib.» misralarida harakat-holatning bir emas, bir necha kishi tomonidan bajarilganligini bildiruvchi yetishibdi, ushlashib fe’llari mavjud. Bunday fe’llar birgalik nisbatdagi fe’llar sanaladi. Boshqa gaplarda esa bunday xususiyatga ega fe’l mavjud emas.

Manba: UZBMB namunaviy test topshiriqlari (2020, majburiy). N.M.Mahmudov va boshqalar. Ona tili. 6-sinf uchun darslik. "Tasvir" nashriyot uyi. Toshkent−2017