0,1 kg 16 % li CuSO_4 eritmasi inert elektrodlar yordamida elektroliz qilinganda elektrodlarda 17 g moddalar…

0,1 kg 16 %li $CuSO_4$ eritmasi tarkibida 16 gramm tuz mavjud. Shu tuz elektr toki ta’sirida to‘liq parchalanganda 6,4 gramm $Cu$ va 1,6 gramm $O_2$ ajralib chiqadi. $2CuSO_4 + 2H_2O \to 2Cu + O_2 + 2H_2SO_4$ Natijada eritma massasi 6,4+1,6=8 grammga kamayadi. Masala shartiga ko‘ra eritma massasi 17 grammga kamaygan. Ya’ni tuzdan tashqari yana 17-8=9 gramm suv ham elektroliz vaqtida parchalangan. Keyin parchalangan $CuSO_4$ va $H_2O$ ning ekvivalent miqdorlarini aniqlab olamiz: $n_{\text{ekv}} = \frac{m}{E}$ $n_{\text{ekv}_{CuSO_4}} = \frac{16}{80}$=0,2 g/ekv $n_{\text{ekv}_{H_2O}} = \frac{9}{9}$=1 g/ekv So‘ngra moddalarning ekvivalent miqdorlarini qo‘shamiz: 0,2 g/ekv+1 g/ekv=1,2 g/ekv Moddalarning ekvivalent miqdorlari yig‘indisi ularni parchalash uchun sarflangan tok miqdoriga (F) teng bo‘ladi. 1,2 g/ekv=1,2 F Ya’ni eritma orqali 1,2 F miqdordagi tok o‘tkazilgan.

Manba: UZBMB namunaviy test topshiriqlari (2021, mutaxassislik). S.Masharipov va boshqalar. Umumiy kimyo. 11-sinf o‘quvchilari uchun darslik. G‘afur G‘ulom nomidagi nashriyot-matbaa ijodiy uyi. Toshkent−2018