Quyida tirik organizmlar Eyler-Venn diagrammasi bo‘yicha ifodalangan. Shunga ko‘ra I, II, III qismlarga xos xususiyatlarni aniqlang. 1) irsiy axborotning qo‘sh zanjirli nuklein kislotada saqlanishi; 2) plazmidlarga ega; 3) ba’zi vakillarida yashil pigmentli plastidasi mavjud; 4) sitoplazmada ATF molekulalarining sintezlanishi; 5) ba’zi vakillarining golozoy oziqlanishi; 6) mezosomalarda ATF molekulalarining sintezlanishi.
Toʻgʻri javob: B) I − 2, 6; II − 3, 5; III − 1, 4
Eyler-Venn diagrammasi hujayraning turli organoidlari, tuzilmalari, sistematik guruhlar, organizmlar va hokazolarning o‘zaro farqli va o‘xshash xususiyatlarini bilish maqsadida qo‘llaniladi. Bunda I qism faqat prokariotlarga, II qism faqat eukariotlarga tegishli xususiyatlar ifodalansa, III qism prokariotlar va eukariotlar uchun umumiy bo‘lgan xususiyatlar ifodalanadi. Yuqoridagi bandlar orasidan I qismga (faqat prokariotlarga) tegishli bandlarni aniqlaymiz: plazmidlarga ega, mezosomalarda ATF molekulalarining sintezlanishi. II qismga (faqat eukariotlarga) tegishli bandlarni aniqlaymiz: ba’zi vakillarida yashil pigmentli plastidasi mavjud, ba’zi vakillarining golozoy oziqlanishi. III qismga (eukariotlar va prokariotlar uchun umumiy bo‘lgan xususiyatlar) tegishli bandlarni aniqlaymiz: irsiy axborotning qo‘sh zanjirli nuklein kislotada saqlanishi, sitoplazmada ATF molekulalarining sintezlanishi. Javoblarni moslab chiqamiz: I − 2, 6; II − 3, 5; III − 1, 4
Manba: UZBMB namunaviy test topshiriqlari (2021, mutaxassislik). A. G‘afurov va boshqalar. Biologiya. 10-sinf o‘quvchilari uchun darslik. “Sharq” matbaa-nashriyot uyi, Toshkent−2017