Gʻazalni oʻqing va quyidagi topshiriqlarni bajaring. *** 1. Koʻngillar nolasi zulfing kamandin¹ nogahon…

G‘azalni o‘qing va quyidagi topshiriqlarni bajaring. *** 1. Ko‘ngillar nolasi zulfing kamandin¹ nogahon ko‘rgach, Erur andoqki, qushlar qichqirishqaylar yilon ko‘rgach. 2. Ko‘ngil chokin ko‘zumda ashki² rangin elga fosh etdi, Balig‘ zaxmini fahm aylarlar el daryoda qon ko‘rgach. 3. Ko‘zum qon yosh to‘kar, netib ko‘ngil zaxmin yashuraykim, Toparlar yerda zaxmin sayd³ qonidin nishon ko‘rgach. 4. Bo‘yolg‘on qon aro jon pardasi yetgach g‘ami hajring, Ko‘ngil bog‘ida bargedurki, ol o‘lmish xazon ko‘rgach. 5. Xadanging⁴ zaxmi ichindin balolarni yug‘on yoshim Erur tifle⁵ ki, olg‘ay qush bolasin oshyon ko‘rgach. 6. Ko‘ngillar naqdini toroj etarga yopmog‘ing burqa’⁶, Aningdekdurki, toz bog‘lar qaroqchi karvon ko‘rgach. 7. Yuzin zulf ichra to ko‘rdim, o‘lib vasliga yetmasmen, G‘alat ermish yuz urmoq, kecha o‘tni har qayon ko‘rgach. 8. Erur chun olam ichra joh⁷ foniy, yaxshi ot boqiy, Bas, el komin⁸ ravo ayla, o‘zingni komron ko‘rgach. 9. Navoiy, xurdai⁹ nazmingni andoq aylading tahrir, Ki sochqay xurda boshing uzra shohi xurdadon ko‘rgach. LUG‘AT: Kamand¹ − arqon; ashk² − ko‘zyosh; sayd³ − ov, o‘lja; xadang⁴ − o‘q; tifl⁵ − yosh bola; burqa’⁶ − yuzga tutilgan parda; joh⁷ − boylik, davlat; kom⁸ − maqsad, orzu; xurda⁹ − nozik, yashirin, sir. 2-bayt mazmunida AKS ETMAGAN fikrni aniqlang.

1. AOshiqning qonli ko‘zyoshlari daryoning suviga tashbeh qilingan.
2. BQalb jarohati tufayli oshiqning ko‘zlaridan qonli yosh oqadi.
3. COshiqning ko‘ngil jarohatini ko‘z yoshlari elga ma’lum aylaydi.
4. DEl daryo suviga qarab unda baliq bor yoki yo‘qligini bilib oladi.