Yigit boshingdan baxt-u davlat yiroq ketmasin. Ushbu gapda yigit so‘zidan keyin vergul qo‘yilsa, qanday grammatik o‘zgarish kuzatiladi?
Toʻgʻri javob: A) Gapdagi aniqlovchi undalmaga aylanadi.
Ushbu test topshirig‘i abituriyentning yozma nutqda tinish belgilarining vazifasini bilish, gapdagi ahamiyatini tushunish va nutqda to‘g‘ri qo‘llay olish bilan bog‘liq bilim va ko‘nikmalarini tekshirishga qaratilgan. Berilgan gapda yigit so‘zi "yosh, navqiron" ma’nolarida qo‘llangan va aniqlovchi vazifasini bajargan. Agar yigit so‘zidan keyin vergul qo‘yilsa, ushbu so‘z yoshi kichik kishiga (erkak kishiga) murojaat uchun qo‘llanilgan so‘zga − undalmaga aylanadi.
Manba: UZBMB namunaviy test topshiriqlari (2021, mutaxassislik). B.Mengliyev va boshqalar. Ona tili. 11-sinf uchun darslik. "O’qituvchi" NMIU. Toshkent−2020