Qaysi gaplarda tire o‘zaro bir xil punktuatsion qoida asosida qo‘yilgan? 1. Negadir o‘z noroziligini keskin ifodaladi: "Soni bor − sifati yo‘q". 2. Biroz o‘ylanib javob berdi: "Islohotlardan maqsad − sifatli ta’lim". 3. "Avvalo, Vatan muqaddas sajdagohdir", − derdi adabiyot ustozimiz. 4. Insonning qattiqqo‘l ustozi − hayot, aqlli tarbiyachisi esa kitobdir. 5. Til, adabiyot va madaniyat − barchasi millatning borligidan dalolatdir. 6. Rassom inson ruhiyatini − uning qalbini o‘z ijodida aks ettiradi.
Toʻgʻri javob: D) 2 va 4
2- va 4-gaplarda tire ot bilan ifodalangan ega va kesim orasiga qo‘yilgan (maqsad − ta’lim, ustozi − hayot). 1-gapda tire bog‘lovchisiz qo‘shma gap qismlari orasida, 3-gapda ko‘chirma gapdan keyin muallif gapi oldidan, 5-gapda uyushiq bo‘laklardan keyin umumlashtiruvchi so‘z oldidan, 6-gapda izohlovchi oldidan qo‘yilgan.
Manba: UZBMB namunaviy test topshiriqlari (Milliy sertifikat, Ona tili va adabiyot)