Qaysi gapdagi so‘zlar imlosida faqat tovush almashish hodisasi kuzatiladi?
Toʻgʻri javob: A) U endi podshoning topshirig‘ini bajarish uchun uni tinmay maqtar, butun ayyorligini ishga solar edi.
Ushbu test topshirig‘ini bajarish uchun nutqimizda ro‘y beradigan tovush o‘zgarish hodisalari haqida bilim va ko‘nikmaga ega bo‘lish talab etiladi. «U endi podshoning topshirig‘ini bajarish uchun …» gapdagi so‘zlar imlosida faqat tovush almashish hodisasi kuzatiladi, ya’ni topshirig‘ini va ayyorligini so‘zlarida egalik qo‘shimchasi qo‘shilishi natijasida q undoshining g‘ undoshiga hamda k undoshining g undoshiga almashishi yuz bergan. «Barmog‘ingiz bilan tirnoq yuzasi …» gapda tovush almashishi va tovush ortishi (barmog‘ingiz, tirnoq, burchagidagi, shunda, og‘rig‘i), «Ho‘kiz kechqurun qorni ochib, …» gapda tovush tushishi va tovush almashishi (qorni, quruq), «Garchi bu hol ularni oqlashga …» gapda ham tovush almashishi va tovush tushishi (tirnoqcha, ko‘nglimda) kuzatiladi.
Manba: UZBMB namunaviy test topshiriqlari (2021, mutaxassislik). Mahmudov N. va boshqalar. Ona tili. 5-sinf uchun darslik. G‘afur G‘ulom nomidagi nashriyot-matbaa ijodiy uyi. Toshkent−2020