Teng mol nisbatda olingan alkan va vodoroddan iborat 0,6 mol aralashma yondirilganda 1,2 mol suv hosil…

Alkan va vodorod miqdorlari (mol) teng bo‘lganligi uchun 0,6 molni ikkiga bo‘lsak, alkan va vodorod miqdorlarini aniqlab olamiz: 0,6 mol:2=0,3 mol Demak, aralashmada 0,3 mol alkan va 0,3 mol vodorod bo‘lgan. 0,3 mol vodorod yonganda 0,3 mol suv hosil bo‘ladi: $2H_2 + O_2 \to 2H_2O$ Suvning umumiy miqdori 1,2 mol bo‘lganligini bilgan holda, shu umumiy miqdordan vodorod yonishi natijasida hosil bo‘lgan suv miqdorini ayirib tashlasak, 1,2 mol−0,3 mol=0,9 mol alkan yonishi natijasida hosil bo‘lgan suv miqdori kelib chiqadi. Demak, 0,3 mol miqdordagi alkanning yonishidan 0,9 mol suv hosil bo‘lgan. Proporsiya orqali 1 mol alkan yonganida necha mol suv hosil bo‘lishini aniqlaymiz: 0,3 mol alkan − 0,9 mol suv 1 mol alkan − $x$=3 mol suv Keyin esa quyidagi alkanlar yonishining umumiy formulasi orqali "n" ni aniqlaymiz: $C_nH_{2n+2} + (1{,}5n + 0{,}5)O_2 \to nCO_2 + (n + 1)H_2O$ Suvning miqdori 3 mol, ya’ni $n + 1 = 3$; $n = 2$ Noma’lum alkan etan bo‘lgan.

Manba: UZBMB namunaviy test topshiriqlari (2021, mutaxassislik). A.Mutalibov va boshqalar. Organik kimyo. 10-sinf o‘quvchilari uchun darslik. G‘afur G‘ulom nomidagi nashriyot-matbaa ijodiy uyi. Toshkent−2017