Soya oʻsimligida poyaning sertuk boʻlishi (A), urugʻ tarkibidagi yogʻ miqdorining 50 foizdan koʻp boʻlishi…

Soya o‘simligida poyaning sertuk bo‘lishi ($A$), urug‘ tarkibidagi yog‘ miqdorining 50 foizdan ko‘p bo‘lishi ($B$), tojibarglarninig erta ochilishi ($C$) dominant belgilar bo‘lib, turli autosoma xromosomalarida joylashgan genlar orqali irsiylanadi. Ushbu genlar bilan belgilanadigan belgilarning har biri o‘z penetrantligiga ega (penetrantlik − gen ta’sirining fenotipik yuzaga chiqishining miqdoriy (%) ko‘rsatkichi). Gullarning erta ochilishi 30 %, poyaning sertukligi 40 %, urug‘ tarkibidagi yog‘ miqdorining 50 foizdan ko‘p bo‘lishi esa to‘la penetrantlik xususiyatiga ega. Chatishtirilgan o‘simliklardan birining poyasi sertuk, urug‘i tarkibidagi yog‘ miqdori 50 foizdan kam, tojibarglari ertaroq ochiladigan, ikkinchisining esa poyasi silliq, urug‘i tarkibidagi yog‘ miqdori 50 foizdan yuqori, tojibarglari ertaroq ochiladigan edi. $F_1$ da olingan 1200 ta o‘simlik orasida poyasi silliq, urug‘i tarkibida yog‘ miqdori 50 foizdan kam, gultojibarglari kech ochiladigan o‘simliklar ham uchradi. $F_1$ da olingan avloddan nechtasining poyasi sertuk, gullari erta ochiladigan va urug‘i tarkibidagi yog‘ miqdori 50 foizdan kam bo‘ladi?

• Javob